|
JI EDÎTOR
ZEREDEŞT HACO:
Dem di Kurmanciya Bakur de
MARCEL PROUST:
Mirina Baldassare Silvande II
ADAR JIYAN:
Bajarê Keran
EHMED HUSEYNÎ:
Çend têbîniyên beravêtî
BÛBÊ ESER:
Haho, haho
YOUNES BAHRAM:
Serê Kaniyê
CîHAN ROJ:
Kefen ji tasek av bû li ber çavan
EHMED HUSEYNÎ:
Collage
BÊWAR IBRAHÎM:
Xewneke rewanî
SALIH KEVIRBIRÎ:
Nêçîrvanê Peyvên Kurdî: Zana Farqînî
ADRA JIYAN:
Pirsgirêka jinê pirsgirêka mirovahiyê ye
YOUNES BAHRAM:
Kezîzerê
HELÎM YÛSIF:
Lêborînê dixwazim
CANKURD:
Zîlan
BERKEN BEREH:
Gazind
ATTÎLA ILHAN:
Kê hez bikim, tu yî...
CÎHAN ROJ:
civata bîranînan ++ ++ Çivîk
EDÎTOR
ERŞÎV
KURDÎ
EREBÎ
LÊGERÎN
PIRTÛKA MÊVANAN
LÎNK
E-KERT
NÛÇENAME
METEOROLOJÎ
CHAT
SMS
WERGER
E-MAIL
NAVNÎSAN
ALÎKARÎ
KURDISHMEDIA
KURDISTANICA
ENSTÎTUYA KURDÎ
MALPERA LÊGERÎNÊ
|
 |
Lêborînê dixwazim
Helîm Yûsif
-I-
Ku
herdû çavên min tim ji ava memikên te vedixwin. Ku rojê
carekê ez piþta te didim diwêr û li bêrîkên rihê te
digerim.
Ku ez bi dîwarê mala we ve hildeperikim,
di ser dîwar re destê xwe dirêjî tiriyê lêvên te dikim û
ji dizekî siviktir ez destê xwe dikiþînim.
Ku bi
eynî tiliyên ku ez bi wan porê te þeh dikim, ez bi wan
jî kuþtinê dikim.
Lewra ez lêborînê ji te
dixwazim.
Nakokî
Her carekê tu dikenî,
bîst carî ez dimirim. Her ku çavên min li çavên te
dikevin, giha bi dîwarê dilê min ve þîn tê. Her ku qala
te dibe, ez bêdeng dimînim, lê nizanim çima çavên min
ewaqasî bi dengekî bilind ji te hez dikin.
Mîna
zarokekî
Mîna zarokekî ku ji qîza cîranan hez
bike û ji bavê wê fedî bike.
Mîna pelekî zer, ku
ji berî hezar salî de ji derekê ketibe û xwe li aveke
zelal û bêdeng bigre.
Mîna tiyekî, ku temenê xwe
bi beza li pey rewrewkan qedandibe.
Mîna
zarokekî, ku diya xwe winda kiribe ez ji te hez
dikim.
Tu bi cihê diya wî dizanî û qet jêre
nabêjî, ji ber vê ez te protesto
dikim.
-II-
Ez te protesto
dikim
Pêþgotin
Wê rojê destê min ji min
ketibû. Berî her kesî te înkar kir, ku tu xwediyê wî
nasdikî.
Ev destê min bû, destê min, te çawa
nasnekir malnexerab!
Ya bê guh
Di çûn û
hatinê de, tu bang min dikî. Deng diçe her kesî. Tenê tu
dengê xwe nabihîzî.
Xewn
Ez baþ dizanim ku
çavên te bi ya te nakin û qet li min nanêrin jî. Lê
dîsa, her ku tên girtin te davêjin hembêza
min.
Du pirsên spî
Ji wan tiliyên xwe
bipirse? Bê çend carî doza ketina nav tiliyên min li te
kirine.
Te ji lêvên xwe pirsiye? Bê çend carî
doza lêvên min li te kirine?
Konser
Ji
çavên xwe yên bê însaf te pirsiye, bê çend carî stiranên
evînê ji çavên min re gotine.
Te ji lingên xwe
yên lezok pirsiye, bê çend carî tu xapandine û tu
ajotine ber min?
Piste pist
Te ji zimanê
xwe pirsiye, bê çend carî navê min bi dizî dibêje û tu
naxwazî Deng her kesî?
Ew diranên ku tîpên navê
min qeto qeto dikin, tu dizanî van rojan yeko yeko wê
biweþin.
Ji ber ku tu nizanî, ez ocax
im!
Silav
Gul ji destê te diweþin, gava tu
silavê dikî.
Nihêrîn
Evîn ji çavên te
diniqute, gava tu dinerî.
Hatin
Dem xwe
dikuje, dinya radiweste, gava tu têyî ?Galîlêyo? ji nû
ve dibêje ?ez þaþ bûm?.
Bihar
Ruhê min
dipiþkuve, pel dide, gava tu
dixeyidî.
Qeder
Dilê te bi ya te nake, êdî
nema dikare min bavêje.
Paþgotin
Min tu
xwedî kiriye keçê, ez bavê te me, ez pasvanê deriyê mala
te me, ez siya biskên te me, gava ba tê, ez ew dest
bixwe bûm, yê ku mabû li benda destê te û te zanî bû. Ez
te protesto dikim. Tu tirsonekî.
|
|
Heger rexnên te li ser vê berhemê hebin, ji kerema xwe re emailekê ji me re rêke:
info@amude.de
|
|
