|
DESTPÊK
EHMED HUSEYNÎ:
Wek mirinê tu bi lêv dibî!
CÎHAN ROJ:
Kalînên ji pola pekiyayî ++ Siya civakê
PABLO NERUDA:
Şeva li ser giravê
TENGEZARÊ MARÎNÎ:
Çi ma û te nekir !?
KEMAL NECÎM:
Cejn
FETHULLA HUSEYNÎ:
Tu ey siwarê hespê lek
OCTAVIO PAZ:
Evîndar
PÊŞEROJ CEWHERÎ:
Amûdê
HELÎM YÛSIV:
Wêjeya Kurdî li rojavayê Kurdistanê
SOSIN :
Jina Kurd
ROJNAMEVAN:
Jin û Kurd
LOKMAN POLAT:
Sed romanê sedsalê
MEM MÎRXAN:
Mûnzûr pêsirên dayika niştiman
TARIQ EHMO:
Êzdiyatî û globalîsim
LÊGERÎN
PIRTÛKA MÊVANAN
LÎNK
E-KERT
NÛÇENAME
METEOROLOJÎ
CHAT
SMS
WERGER
E-MAIL
NAVNÎŞAN
ALÎKARÎ
KURDISHMEDIA
KURDISTANICA
ENSTÎTUYA KURDÎ
MALPERA LÊGERÎNÊ
|
 |
Êzdiyatî û globalîsim
Tariq Hemo
Cîhan di bin rewşa globalîsmê de bilez tê guhertin, ber bi pêşketinek (şoreşek)
teknîkî ve diçe, ber bi tevheviyek şaristanî ve diçe
ko encama hemû felsefe û ayinên mirovayetiyê di bin baskên xwe de dicivîne
, civakek multîkultur saz dike û hemû ayin, ol û îdyolojiyan bi morekê
ve didemixîne, wan ji nû ve "çêdike" û di bin şert û mircên xwe de
pêşkêşî mirovan dike. Ev çêkirin (efrandin) bandorek bingehîn
li ser teybetmendiya netew û olên cîhanê (nexasim kêmkesên olî)
dihêle û wan di nav deriyek fireh de hêdî hêdî dihilîne, ko ew
bi xwe jî bi derbasbûna demê re dibin şêwiyek ji şêwiyên vê globalîsmê.
Di rewşek wisa dijwar de, gelo wê Êzdiyatî (kurtahiya kevneşopa Kurdan)
karibe meşa xwe ya şaristanî berdewam bike? Her wiha gelo Êzîdî (ew kesên ko Êzdiyatî
parastine) wê karibin pirînsîbên ola xwe û teybetmandiya wê di jiyana xwe ya
rojan de biparêzin?
Ji bo bersiva van herdû pirsan wê gelekî pêwîst be ko em tevgera koçberiya
Êzdiyatiyê deynin ber çavên xwe û wê dijberîtiya şaristanî
û moralî ya ko di navbera civaka welat nû de bikşînin bin ronahiya lêkolînê
, da ko em karibin bi encamek zanistî û zelal derkevin holê (Êzdî yên ko li welat
dijîn hîn dûrî vê reşê ne). Di vê rewşê de du tişt li
pêşiya mirovê Êzîdî dixuyin:
1. Wek tê nasîn, mirovê Êzîdî ji encama dijwariya dîroka rojhilatê
û bûyerên wê yên ko di derbarê hebûna wî de qewimîne, pisîkolojiyek
teybet li cem hatiye efrandin, ko bala lêkolîneran dikşîne ser xwe: tim dûrî
bajarvaniyê maye ko tu firsend bo wî nehatiye dayîn, da ko beşdar bibe û raman û felsefa xwe
mîna berhemekê pêşkêşî mirovayetiyê bike, (balkêş e jî
ko nebûna dewletek netewî û rewşa perçekirina Kurdan jî sedemek e) lewa ev
mirovê hanê bi hemû kevneşop û kesayet û bîrûbawerî
û nerînên xwe neçar dimîne li hemberî dijwariya globalîsmê û pêlên
guhertinên wê û xwe di dawiyê de bêhiş davêje himêza wê: ji ber ko ev mirov
di rastiya xwe de westiyaye ji bêdadbûna dîrokê û ferman û qirkirinên wê û ji
bilî cihekî aram - wek mîna di rewşa penaberiyê de dixuye - tu hêvî
û daxwazê nake, cihekî ko jiyan bi awayekî normal lê dimeşi bê tirs û hesab. Ev tirsa ko
di hişê mirovê Êzîdî de ji mêj ve rehên xwe kûr berdayiye..
Lewra ev mirov globalîsmê mîna buhiştekê dibîne û dipejirîne (bê ko
hewledana berxwedanek şarestanî bike), û pêşeroja xwe û nifşên xwe teslîmî wê dike.
2. Bi awayekî din, mirovê Êzîdî dikare sûdeyekê ji globalîsmê bigre ko ew bi alîkariya
organên wê yên cûr bi cûr ol/netewa xwe bi mirovên cîhanê bide naskirin û rastiya wê derxîne
navendê û mijarên wê bide ber guftûgokirinê bi awayekî vekirî, çimkî
kevneşopa her olek cîhanî milkê hemû mirovayetiyê ye (eger em di
çarçevek globalîsmî de bimînin), di rêya globalîsmê re (şoreşa pêwendiyan/internêt)
Êzîdî/Kurd dikarin kesayeta xwe û teybetmendiya ola xwe ragihînin bo hemû cîhanê û mijarên
wê derxînin qada lêkolînê, û li pêşiya zaniyar û pesporên
cîhanê raxînin. Wisa mirovê Êzîdî dikare xwe li hemberî rewşa
globalîsmê bincih bike, û bi awayekî posîtîv fêdê jê wergire, û kirasê xwe li gorî
hêzên guhertinên wê biguherîne. Lê şertê herî giring bo pêkanîna vê
armancê têgihiştin û pêşketin û jîrbûna vî mirovî bi xwe ye, û
ev tişt heye niha, mixabin, di piraniya mirovên me de nîne, û ev jî sedemeke ji sedemên têkçûna me wek mirov
û wek civak.
|
|
Heger rexn yan nerînên te li ser vê berhemê hebin, ji kerema xwe re
wan di GUFTÛGOYA
malperê de binîvisîn yan jî di rêya EMAILê re
ji me re rêke.
|
|
