AMUDE.DE - NAVENDA ĒANDA KURDĪ
www.musesana.de www.amude.de www.kurdishculture.de
fffffff
amude.de
 
 
Helbest
Çîrok
Werger
Ramyarî
Huner
Mûzîk
Rexne
Pirtūka Mźvana
Archīv
Lînk
Erebî
Elmanî
Êdîtor
Webmaster
 

Nūkirin/Revised:
21.1.2001


Nivîs 3

 
NIVÎS - Kovara mehane bi zimanê kurdî û erebî
Hejmar 3                          21.01.01-21.02-01



Jibîrkrin

Kemal Necîm

Pêjna kenê te
mîna pûtekî kevirî
di nava bîstikên bêrîkirinê de
çikandim ,
li ber deriyê mizgeftan
hezar carî , şikandim
û li ber serê mirinê
kevir bi kevir
li goristanan gerandim .
pêjna kenê te
piyalek mey
di nav teliyê olperestskî
kalemêr
bi ser desmala dîlbera ciwan de
rijandim
mîna helbestekê , ji nişkave
ji hiş revandim
û wekî baraneke bê demsal
bi ser taya hevokan de
barandim.
Ez di tirsim îro jî bişkêm û
birijim !
Kezî zer ;
te çawa
leglegên gundê me
hînî bêrîkirina biharê
kirine ,
xecxecokên şermok
hînî diziya ramûsanan
kirine ,
te çawa ,
asman û deriya
hînî rengê çavên xwe
kirine ,
min jî hînî
jibîrkirinê
bike
bila îro
pêjna kenê te
mîna pûtekî kevirî
carekî din
min
neşikîne
Kemal Necîm
Copyright © 2000-2001 amude.de and Sīrwan, All rights reserved.